एमाले धुलिखेलको अधिवेशन

धुलिखेल । नेकपा एमाले धुलिखेल नगर कमिटीको दोश्रो अधिबेशन पोलिटब्युरो सदस्य एवं जिल्ला इन्चार्ज, पुर्व मन्त्री गोकुल प्रसाद बाँस्कोटाको प्रमुख आतिथ्यतामा भएको छ । नगर कमिटी अध्यक्ष दयाराम महतको अध्यक्षतामा उद्घाटन सत्र सम्पन्न भएको र बन्द शत्र प्रारम्भ भएको छ । अधिबेशनमा सम्बोधन गर्दै पोलिटब्युरो सदस्य गोकुलप्रसाद बाँस्कोटाले एमालेले राष्ट्रिय तथा अन्र्तराष्ट्रिय राजनीतिमा खेलेको भूमिका, नागरिकमैत्री शासन र सेवाका लागि बनाएका ऐन, नियम र कानूनले सुखी नेपाली समृद्ध नेपाल निर्माणको अभियानमा केन्द्रित रहेको बताउनुभयो । नयाँ नेतृत्वका कार्यभार, नेतृत्वले खेल्नु पर्ने भूमिका तथा संगठनहरुको संचालन सक्रिय बनाउन निर्देशन दिदै बास्कोटाले जनता र कार्यकर्ताहरुको हितका लागि हरेक कार्यहरु प्राथमिकतामा राख्न अनुरोध गर्नुभयो । कार्यक्रममा केन्द्रिय सदस्य रेशम लामा, प्रदेश कमिटी सदस्य एवं एमाले काभ्रे जिल्ला कमिटीका पुर्व अध्यक्ष अशोक ब्याञ्जु, जिल्ला अध्यक्ष राजन भुर्तेल, प्रदेश कमिटी सदस्य तथा क्षेत्र इन्चार्ज रिता ढकाल, प्रदेश कमिटी सदस्य विमला शर्मा लगायतले एमालेले खेल्नु पर्ने भूमिका र दायित्वका बारेमा धारणा राख्नुभयो । बन्दसत्र सुरु भएको छ । बन्द सत्रले नयाँ नेतृत्व चयन गर्नेछ ।