आमाको सुन लुट्न कान्छो छोराले गर्याे हत्या

काभ्रेपलाञ्चोक जिल्लामा एक युवकले आफ्नै आमाको हत्या गरेको घटनामा अनुसन्धान कुकुर तिहारमा अवार्ड पाएको केनाईन् महाशाखाको टाईगर कुकुर ले दुई दिन पछि पुनः सफलता पाएको छ । जिल्ला प्रहरी कार्यालय काभ्रेपलाञ्चोकले “अप्रेशन सोनाम“ अन्तर्गत छोराले आमाको हत्या गरेको घटनामा संलग्न आरोपीलाई पक्राउ गरेको छ । यसअघि मकवानपुर सिन्धुपाल्चोकमा महिलाको हत्याम सोही कुकुरको अनुशन्धानको सहयोगमा हत्याराको पत्ता लागेको थियो । टाइगरले हत्या भएको उक्त घटनामा अनुसन्धान गर्ने क्रममा हत्याको घटनामा प्रमुख भूमिका निभाएका कारण हत्याराको नजिक पुगेको जिल्ला प्रहरी कार्यालय काभ्रेले पत्रकार सम्मेलनमा जानकारी दिएको छ ।
प्रहरीका अनुसार, कात्तिक १६ गते राति करिब ८ः१५ बजे काभ्रेपलाञ्चोक जिल्लाको रोशी गाउँपालिकामा रहेको आफ्नै घरमा ६९ वर्षीया महिलाको शव भेटिएको थियो। प्रारम्भिक अनुसन्धानमा महिलाको टाउकोमा गम्भीर चोट देखिएको र घटनास्थलमै मृत अवस्थामा फेला परेपछि प्रहरी अनुशन्धानमा लागेको थियो ।
घटनाको जानकारी पाएपछि घटनास्थलमा प्रहरीको विशेष टोली परिचालन गरिएको थियो। प्रहरीका अनुसार, अपराध स्थलमा खोज अनुसन्धानका लागि (साइन्स अफ क्राइम अन द स्पट) टोली, फरेन्सिक र डग स्निफिङ टोली समेत सहभागी थिए। अनुसन्धानकै क्रममा मृतकका २८ वर्षीय छोराले आमाको हत्या गरेको तथ्य फेला परेको प्रहरीले जनाएको छ । पक्राउ परेका युवकले आफ्नो आमासँग विभिन्न विवाद रहेको र त्यसैको आवेशमा हत्या गरेको स्वीकार गरेका छन्। उनलाई थप कानुनी कारबाहीका लागि जिल्ला अदालतबाट ७ दिनको म्याद थप गरी हिरासतमा राखिएको छ । हत्या गर्ने फुर्साङ लामा रहेको प्रहरीले जनाएको छ ।