७३ बोरा गाँजा सहित तीन जना पक्राउ

बिहान काभ्रे जिल्लाको पनौती बस्त ७३ बोरा गाँजा सहित तीन जना लाई प्रहरीले पक्राउ गरेको छ । आज बिहान ८:३० बजेको समयमा जिल्ला काभ्रे पनौती न.पा. ५ आईटि पार्क स्थित पनौती बनेपा सडक खण्डमा चौकीबाट खटिएको चेकिङ टोलिले सवारी चेक जाँच गर्ने क्रममा पनौतीबाट बनेपा तर्फ जाँदै गरेको बा ६ च २९६ नं.को डिआई गाडिमा चेकजाँच गर्दा उक्त गाडीमा लोड गरी ल्याएको अप्रशोधित गाँजा ( भर्खर काटेको जस्तो हरियो देखिने ) प्लाष्टिकको बिभिन्न साईजको ७३ बोरामा २८५ केजी गाँजा, गाडी सहित ३ जना मानिसहरुलाई नियन्त्रणमा लिएको जिल्ला प्रहरी कार्यालय काभ्रेले जनाएको छ । पक्राउ परेका मानिसहरूलाई ई.प्र.का. बनेपामा ल्याई अनुसन्धान कार्य भई रहेको बताइएको छ । पक्राउ पर्नेमा चालक:- जिल्ला नुवाकोट बिदुर न.पा. ११ घर भई हाल काठमाण्डौ बालाजु डेरा गरी बस्ने बर्ष ३५ को बुद्धमान तामाङ ,जिल्ला रामेछाप रामेछाप न.पा. ८ घर भई हाल काठमाण्डौ बालाजु डेरा गरी बस्ने बर्ष २० को संजिब तामाङ, जिल्ला रामेछाप रामेछाप न.पा. ८ घर भई हाल काठमाण्डौ बालाजु डेरा गरी बस्ने बर्ष ५३ कि बिमला तामाङ रहेको प्रहरीले जनाएको छ ।