राष्ट्रिय अस्तित्व जोगाउन भन्दै नवराजको उम्मेदवारी

नमोबुद्ध नगरपालिका १ मथुरापाटीका नवराज सत्याल काभ्रेको प्रतिनिधि सभा क्षेत्र नं. १ मा राष्ट्रिय प्रजातन्त्र पार्टी (राप्रपा) का उम्मेदवार दर्ता गराएका छन् ।
राप्रपाका काभ्रे जिल्ला वरिष्ठ उपाध्यक्ष रहेका सत्यालले प्रतिनिधिसभा सदस्यको उम्मेदवारका रुपमा अघि बढेका सत्यालको चुनावी अभियान उम्मेदवारी दर्तासँगै सुरु भइसकेको छ ।
देशको धर्म, संस्कृति र राष्ट्रिय अस्तित्व जोगाउने उद्देश्यसहित आफू २०७९ सालमा राजनीतिमा प्रवेश गरेको उनले बताए । पृथ्वी नारायण शाहले एकीकरण गरेको देश अहिले विदेशी प्रभावको अखडा बन्दै गएको, युवा जनशक्ति विदेश पलायन भइरहेको र गाउँमा वृद्ध–वृद्धामात्र सीमित बनेको अवस्थाप्रति उनले चिन्ता व्यक्त गरे । भ्रष्टाचारविरुद्ध संघर्ष गर्ने र विदेशिएका युवालाई स्वदेश फर्काउने अभियान सहित आफूले उम्मेदवारी दिएको उनको भनाइ छ ।
काभ्रे जिल्लालाई पर्यटनको केन्द्रका रूपमा विकास गर्ने, भित्री सडक, यातायात र पूर्वाधार समस्याको समाधान गर्ने आफ्नो प्रमुख एजेन्डा रहेको उनले बताए । व्यापार–व्यवसाय छोडेर देश जोगाउने उद्देश्यले राजनीतिमा होमिएको बताउँदै उनले राष्ट्रिय प्रजातन्त्र पार्टी नै माटो, धर्म र राष्ट्रियताको रक्षा गर्ने पार्टी भएकाले त्यसमा आबद्ध भएको स्पष्ट पारेका छन् ।
उम्मेदवारी दर्ता गराएपछि उनले के भने
हिलेको मेरो उम्मेदवारी मेरो रहर स्वार्थ नातावाद कृपावाद केहिवाट पनि उपेक्षित नभएर नासिएको धर्म र भासिएको देशलाई उकास्नको लागी हो। हे….. नेपाली जनताहरु !!!!देशनै नरहे!!!खोई? मेरो देश ? भनेर डाँको छोडेर रुँदैमा पछि देश फिर्ता आउदैन॥॥ कोहि त छ आफ्नै राष्ट्र आफ्नै धर्म बचाँउन र जनताका आधारभूत समस्या लाई सुधार्छु भन्ने ? बैलेमा होस् पुऱ्याउनुहोस्। मलम पट्टी त लगाउँछु तर पहिला घाईते कसरी बनाउने भन्ने खेल भईरहेको छ। यो कुरा सबैले बुझ्नु जरूरी छ। सम्पूर्ण काभ्रेबासी हरुलाई मेरो साष्टाङ्ग ढोग सहितको सत्य सुझाब स्विकार्नुहोला। जयदेश जय