नमोबुद्धलाई विश्वकै नमूना पर्यटकीय स्थल बनाउन लाग्नेछौ : गठबन्धन उम्मेदवार

नमोबुद्ध- आगामी मंसिर ४ गते हुने निर्वाचनमा गठबन्धनको तर्फवाट प्रतिनिधि सभा १ का उम्मेदवार सुर्यमान दोङ लालध्वज र प्रदेश सभा ख का उम्मेदवार तिर्थ लामाले नमोबुद्धलाई विश्वकै नमूना पर्यटकीय स्थल बनाउने योजना रहेको बताएका छन् । आज नमोबुद्धमा जात्राको अवसरमा नमोबुद्ध पुगेका उम्मेदवारद्वय सूर्यमान दोङ र तिर्थ लामाले जिल्लाको पर्यटकीय स्थलको रुपमा परिचित नमोबुद्धलाई विश्वकै नमूना पर्यटकीय स्थल बनाउन लागि पर्ने प्रतिबद्धता जनाए ।
प्रत्येक वर्षको कार्तिक पूर्णिमाको दिन लाग्ने उक्त जात्रामा हजारौ दर्शनार्थीहरु सहभागी भएका थिए । जात्रामा विशेष गरी नेवारी समुदायले अघिल्लो दिन राती जाग्राम बसी आफ्ना मृत आत्माहरुको स्मृतिमा दीप प्रज्वलित गर्ने गर्दछन् भने पूर्णिमाको दिन बिहानदेखि दिउँसोभर नमोबुद्ध रहेका गुम्बामा पुजाआजा गर्ने गरिन्छ । सोहि दिन रातभर विशेष गरी तामाङ समुदायले दीप प्रज्वलित गर्ने गरेका छन्

सत्ययुगमा इट्टेका राजाका तीन छोरामध्ये महासत्वले नमोबुद्ध जंगलमा बाघको शिकार गर्ने क्रममा खाना नपाएर मर्ने अवस्थामा पुगेकी वघिनी र उनका पाँच डमरुलाई बचाउनका लागि महासत्सवले आफ्नो दिएर बघिनी र डमरुलाई बचाएको धार्मिक किवदन्तीको आधारमा नमोवुद्ध जात्रा हुने गरेको छ । यीनै महासत्व २५ सय वर्ष पछाडी लुम्बिनीमा जन्मिएकोले गौतमवुद्धको पहिलो जन्मस्थान नमोबुद्धलाई भनिने गरेको छ ।

तपाईको प्रतिक्रिया